Philippines-a thlipui tleh vanga thi 75 tling tawh

Philippines rama kar liamta Ningania thlipui, super typhoon Rai tlehin chhiatna a thlena thi chu mi 75 an tling tawh a, chin hriat lohin mi 10 an la awm bawk.

Super typhoon Rai hi darkar khat km 195-a nain a tleh a, Philippines khawchhak lama cheng mi nuai thum chuang chu hmun him lamah an insaseng a ni. He thlipui hi kumin chhunga Philippines rama thlipui tleh zinga na ber a ni.

Thlipui tleh hian Siagao, Dinagat leh Mindanao thliarkarah chhiatna nasa tak a thlen a, chhiat tawkte chhanchhuah leh chhawmdawl hna hi sipai, coast guard leh fire personnel-ten an thawk a ni. Hetih lai hian thlipui tleh hian hmun tam takah inbiakpawhna a tichhia a, hei vang hian chhanchhuah hna thawh pawh a tibahlah phah nia sawi a ni.