New Zealand-ah Covid-19 kai hmuh leh
New Zealand ram chu Covid-19 laka fihlima a inpuan hnu leh, hri kai thar ni 24 chhung an awm loh hnuah Thawhṭanni khan mi pahnihin he hri hi an kai tih hmuh chhuah leh a ni
Hri kai hmuh tharte hi hmeichhe pahnih, UKaṭanga kal an ni a, damlo tlawh tura phalna pek an ni. June 7 khan New Zealand hi an thleng a, Auckland-a hotel-ah an inkhunghrang nghal a ni. June 13 khan damlo tlawh tur hian private motor-in Wellington an pan leh a, Thawhṭanni khan test niin an pahnih hian hri an kai tih hriat a ni ta a ni.
Wellington-a an thlenna in neitu pawh inkhung hrang tura tih nghal a ni bawk.
New Zealand sorkar chuan an rama Covid-19 laka a fihlim tawh nia puangin, kar liam tak han ram chhunga hri leng vanga khuahkhirhna a siamte chu a lo hlip vek tawh a ni.
Social distancing dan pawh hman a ni tawh lo a, mipui punkhawm pawh khap a ni tawh lo bawk. Mahse khuahkhirhna a hlih aṭanga kar khat hnuah hri kai hi hmuh an ni leh ta a ni.