Greece ram kan chhan hal luih vang

Greece ram khawpui, Athens khaw bula mi 83 zetin an thih phahna ram kang chu mi tuten emaw an hal avanga chhuak a ni tih Citizen Protectin Minister Nikos Toskas chuan a sawi.

Thawhṭanni khan Athens bul ram hi a kang a, a bula vela thingtlang khaw hrang hrangten an tuar nasa hle a ni.

Ram kang vang hian mi 83 an thih bakah, mi 60 chu damdawi-inah enkawl mek an ni a, an zinga mi 11 chu intensive care unit-ah dah a ni. Chin hriat lohin mi eng emaw zat an awm mek bawk.

Minister Toskas chuan ram hi hal luih a nih thu sawiin, khaw lum leh thli a tleh tel vangin a kangkai chak hle niin a sawi. Hemi hma hian Defence Minister Panos Kammenos chuan dan loa in sak eng emaw zat awm vangin chhiatna thleng hi a nasat phah tih a sawi a, ramhnuai area china in sakte chuan kangmei chhuah hnuah tlanchhuahna tur kawngte a dang a ni, a ti.