UN-in member ramte membership fee pe tla vek turin ti

United Nations chuan sum lama indaih lohna a neih vangin member ramte hnenah membership fee te pe tla vek turin a ti.

UN Secretary-General Antonio Guterres chuan sum indaih lohna hi tun angia nasain an tawk ngai lo tih a sawi a, non-staff expenditute tihhniamna tura ruahmanna siam turin UN staff-te hnenah lehkha a thawnah a sawi a ni.

Guterres chaun, "Member ram-ten budget-a an sum thawh ve tur an an tihkhawtlai hlawm avangin tun anga sum lam indaih lohna hi a hmain kan la tawng ngai lo a ni. Fee te hi an pekfel thuai loh chuan sum kan nei lo thei thuai dawn a ni", tiin member ramte chu an sum pek ngaite pe fel thuai turin a ngen. Hemi rual hian anni pawhin sum hmanchhuah tihtlem dan tur ruahmanna an siam a ngai tih a sawi bawk.

Guterres-a thupuangtu Stephane Dujarric chuan UN member 193 zingah ram 112 chauhin an sum thawh tur hi an la pe niin a sawi. Pawisa pek hun tur bithliah hi siam a nih loh vangin hetianga sum indaih lohna hi an lo tawk ṭhin tawh a, mahse kumin angin a nasain an tawng hma ngai lo niin a sawi.