Acting New Zealand PM-in Australia flag thlak turin ngen

New Zealand Acting Prime Minister Winston Peters chuan Australia ram hnenah an ram flag chu thlak turin a ngen a, Australia chuan New Zealand flag design a entawn a, hei hian hriat hran a tihar ṭhin niin a sawi.

Winston Peters chaun, "Kan ram flag kan design a, annin an lo entawn ve thung a, hemi chungchang hi kan chingfel dawn a nih chuan an flag hi an thlak a ngai ang", a ti. Ram dangte tan pawh an ram pahnihte flag chungchang chu hriat hran a har dawn tih sawiin, Turkey leh hmundanga a zin ṭum pawhin ram pahnihte flag hi an lo hriatpawlh fo tih a sawi.

New Zealand leh Australia ram flag-te hi a pawl tak niin, a sirah Union Jack emblem an awm ve ve a, a danglamna chu Australia flag-ah hian star lem a var paruk awmin, New Zeland flag-ah star lem hi a sen pali a awm thung.