US FDA-in hrai kai enkawlna atana HCQ hman phalna sut

US Food and Drug Administration (FDA) chuan Covid-19, na zualte enkawlna atana emergency-a malaria damdawi hydroxychloroquine hman phalna a pek chu a sut leh. 

FDA chuan hydroxychloroquine damdawi chuan hri kaite enkawlna atana a ṭangkai tawk lo nia a lan thu sawiin, clinical trial data result behchhanin he thutlukna hi an siam tih a sawi. 

FDA chief scientist Denise Hinton chuan Biomedical Advanced Research and Development Authority (BARDA) hnenah lehkha thawnin, hydroxychloroquine (HCQ) leh  (chloroquine) CQ te chu Covid-19 kaite enkawlna atana hmang tawh lo turin a ti a ni. 

Hydroxychloroquine hi hri kaite enkawlna atan a ṭha nia sawi a nih avangin, President Donald Trump ngenna angin April thla khan India aṭangin tablet maktaduai 50 zet lakluh a lo ni tawh a ni.