Chile President inthlanah Leftist Gabriel Boric-a'n hnehna chang

Chile ram President thar tur thlannaah Leftist candidate Gabriel Boric chuana khingpui far-right candidate José Antonio Kast lakah hnehna a chang a ni. Nakkum March thlaa lakluh a nih hunah kum 35 mi, Gabriel Boric hi Chile ram President ni thei naupang ber a ni dawn.

Gabriel Boric hian vote tla aṭangin 56% hmuin, a khingpui Kast hian 44% a hmu a ni.

Tun ṭum inthlan hi kum eng emaw zat chhunga inbeihna nasa ber zinga mi nia sawi a ni a, inthlan hma lawk hian sorkar duh lohna lantirin nawrh huaihawt lian tham tak tak a awm bawk.

President thar atan thlan tlin, kum 25 mi Boric hi khawvel pum huap pawha politics hruaitu naupang ber zinga mi a ni. Zirlai hruaitu hlui niin, an rama eirukna, mipuite intluk lohna zau zel duh lotua nawrh huaihawt ṭhin thlawptu langsar tak a ni. Chile ram hi mipuite sum lakluh inthlauhna nasa ber ram zingah a tel a, an ram hausakna 25% vel chu ram mipuite zinga 1% kutah a awm niin United Nations chuan a tarlang.

Inthlan dawna a thutiam zingah , Boric hian Chile rama pension leh healthcare system lama intluk lohna siamṭhat, kar khata hnathawh hun chhung darkar 45 ni ṭhin chu darkar 40-a tihtlemte leh green investment chawikan-te a tel a ni.