Europe ram ṭhenkhatin hri dona kawngah AstraZeneca thawhpui

Italy leh Europe ram ṭhenkhatte chuan Astra­Zeneca pharmaceutical company chu contract ziah puiin, Covid-19 damdawi siamchhuah huna damdawi dose maktaduai 400 lei turin inremna an lo ziah lawk pui a ni tih health lama thuneitute chuan an sawi.

British-Swedish pharmaceutical compa­ny, AstraZeneca pharma­ceutical hi Italy, Germany, France leh Netherlands-te chuan inremna an ziahpui a, he company hian Covid-19 damdawi hmuchhuah tumna kawngah hna a thawk mek a ni. Damdawi hi hmuhchhuah a nih chuan European market-a zawrh chhuah a nih hunah an ram chanpual tur dose mtd 400 hi an lo chah lawk a ni.

Italy hian pharma­ceutical company nena inremna a ziahpui chhan hi Italy deputy health minister, Pierpaolo Sileri chuan Covid-19 hri dona kawnga an hmalakna a nih thu a sawi a, kumin kum tawp lamah emaw nakkum kumtir lamah chuan damdawi hi an hmuhchhuah hman a rin thu a sawi bawk.