Australia ram kang vanga thi mi 27 tling tawh

Australia prime minister Scott Morrison chuan nimin khan an ram kang vanga thi zat chu mi 27 an tling tawh tih sawiin, chenna in 2131 a kang chhe tawh tih Parliament House-a press conference-ah a sawi.

Morrison chuan thi an pun belh zel a rin thu sawi bawkin, Australia chhim chhak lam aṭanga kang mei chhuak chu khua in lum lam a pan zel vang leh thli nat vangin a kan belh zel a rin thu a sawi a, Australia mipuite chu a hma anga inṭanpui tawn zel turin a chah bawk.

Press conference hi Australia Federal Police (AFP) Commissioner Andrew Colvin nen an nei a, ''Khawtlang in ṭanpuina a mamawh a nih chuan kan ṭanpui tur a ni,'' tiin Colvin chuan a sawi ve bawk a ni. PM Morrison chuan ram hrang hrang aṭanga ṭanpuina an hmuh avangin lawmthu a sawi ve bawk. Mining magnate Andrew Forrest chuan Australian $mtd 70 zet ṭanpuina an hmuh tawh thu a sawi.