Japan-in thiam loh chantir mi 3 khaihlum

Japan sorkar chuan nimin khan thiam loh chantir tawh mi tang pathumte chu a khaihlum a, hei hi kum 2019 hnua he hremna dan a hman lehna hmasa ber a ni.

Japan hi developed country zinga thiam loh chantirte tihhlum theihna dan la hmang ram tlemte zinga mi a ni a, ram hrang hrang leh rights group lamin sawisel nasa hle mah se, an ram mipuite chuan he dan hi an la thlawp hle thung.

Thi tura hremna pek hi 100 chuang an la awm mek a, khaihlum an ni tlangpui ṭhin.

Nimina khaihlum pathum zinga pakhat hi kum 65 mi, yasutaka Fujishiro a ni a, kum 2004-a chem leh tuboh nena a ni(aunty), kum 80 mi leh mi dang paruk thattu a ni. Ani bakah hian Tomaoki Takanezawa (54), kum 2003-a arcade game parlour-a thawk mi pahnih thattu leh a thurualpui kum 44 mi, Mitsunori Onogawa-te chu khaihlum an ni bawk.