Russia-ah pension kum tihsan duh loin nawrh huaihawt

Russia sorkarin pension kum tihsan a rawtna chu duh loin kar kalta Inrinni khan Russia ram khawpui hrang hrangah nawrh huaihawt a ni.

Kar kalta Inrinni-a lungawi lohna kawngzawh hi Russian Communist Party (CPRF) huaihawt a ni a, mahse pawl hrang hrangin an thlawpa ni. An ram khawpui Moscow-a kawngzawhte chuan banner te kangin, 'Kan pension hmanga nuam taka nun ve kan duh a, hnathawhna hmunah thih kan duh lo' tihte an ziak a ni. Moscow-a kawngzawhnaah hian mi 12,000 vel an tel.

Sorkar chuan pension kum hi mipa-ah km 60 aṭanga kum 65-ah tihsan leh, hmeichhiate chu kum 55 aṭanga kum 63-a tihsan a rawt a ni. Mahse hnathawktu pawl hrang hrangte chuan kum upa tak nih thlenga hnathawh reng an duh lo tih sawiin, mi tam tak chu an pension chhawr tur khawpin an dam thleng lo ang tiin an sawi.

World Health Organization-in a tarlan danin Russia mipate dam rei zawng hi chawhrualin kum 66 a ni a, hmeichhiate dam rei zawng hi kum 77 a ni.