China PM in Tibet a tlawh

China Prime Minister Li Keqiang chuan puangzar lawk loin July 25-27 inkar khan Tibet a tlawh a, Tibet chu hmanlai aṭang tawha China ram, ṭhenhran theih loh a nih thu a sawi.

PM Li hian Nyingchi, Shannan, and Lhasa a tlawh a, official leh tualchhung mite kawmin, Jokhang Temple bakah Sichuan-Tibet railway-a Lhasa-Nyingchi section a tlawh bawk. Li chuan Tibet chuan China-a rorel lai, Communist Partry of Chian policy leh hmalaknate an thlawp zel a beisei thu sawiin, khawtlang hmasawnna te, ram inpumkhatna te, hnam bil pawl hrang hrang thawhhona ṭha te, boruak ṭha leh ralmuangte a awm zel a duh thu a sawi bawk.

Lhasa-a Tibetan Buddhism temple lar, Jokhang Temple a tlawhnaah Li chaun Tibet chu China ram, ṭhenhran theih loh a nih thu a sawi a, sakhaw hrang hrangte te pawhin inpumkhatna hi an vawnnun zel a beisei thu a sawi a ni.

Tibet-a China rorelna duh lohna lantirtu, Dalai Lama chu China hian an ram aṭanga inlakhran duhtu leh Tibet mipuite hel tura fuihah a puh a, hei vang hian kum 1959 khan Dalai Lama hi India ramah tlanchhiain tun thlengin a khawsa zui a ni.