SMS thawnchhuah hmasak ber euro nuai chuangin hralh

Short message service (SMS) thawnchhuah hmasak ber "Merry Christmas," tih chu Thawhlehni khan `Non-Fungible Token` angin Paris auction house-ah euro 1,07,000 ($1,21,000)-a hralh a ni.

He text hi December 3, 1992-a thawnchhuah kha niin, British telecoms company Vodafone chuan lilamnaah hian an zuarchhuak a ni.

Vodafone engineer, Neil Papworth chuan he SMS hi ama computer aṭangin United Kingdom-a an manager hnenah thawnin,a ni hian a "Orbitel" telephone-ah a lo dawng a ni. Orbitel telephone hi kg 2-a rit, desk phone nena inang tak mahse cordless anga vawnchhan nei a ni thung.

"Kum tawp lama hun an hman laiin `Merry Christmas` tih message hi a thawn a ni," tiin Aguttes Auction House head of development Maximilien Aguttes chuan a sawi.

Non-Fungible Tokens emaw NFTs te hi digital asset chi khat, kumina rawn lar chho niin, NFT artworks-te hi dollar maktaduai chuanga hralh an ni.

France-ah chuan intangible goods hralhchhuah an phal loh avangin auction house hian digital frame hmangin text message hi an tuam a, code leh communication protocol pawh an tarlang tih Aguttes chuan a sawi.

A leitu hian SMS thawnchhuaktu communication protocol lem (replica) a dawng dawn a, an pawisa hmuhchhuahte hi United Nations Refugee Agency UNHCR kutah a lut dawn a ni.