Afghanistan-a Journalist 6,400 chuangin an hna chan tawh

Afghanistan rama Taliban-te'n thuneihna an chan hnuah Journalist 6,400 chuangte chuan an hna an chan tawh tih zirchianan neih chuan a tarlang.

Taliban-ten thuneihna an chan hnua Afghan media mite dinhmun zirchianna hi non-profit organisation Reporters Without Borders (RSF) leh Afghan Independent Journalists Association (AIJA) chuan an nei a ni. Media outlet 231 vel zet chu khar an ni tawh bawk tih an sawi.

Media outlet 10 zinga pali zel ang chu tihtawp an ni a, journalist leh media lama hnathawk 60% te chuan an hna an thawk chhunzawm thei tawh lo a ni.

Taliban-in thuneihna an chan hnua a nghawng tuar na ber chu hmeichhe journalist te niin, an zinga 80% te chuan an hna an chan tawh bawk.

"Nipui laia Afghanistan rama Media outlet 543 awm ṭhin chu November thla tawpah chuan 312 chiah an awm tawh a ni. Thla thum chhung lekin Afghan media outlet chu 43% in a tlahniam hman a ni," tiin RSF chuan a tarlang.

Thla li liamta khan Afghan province tam zawkte chuan private media outlet 10 tal nei ang an ni hlawm a, mahse Taliban ten ro an rel hnuah region ṭhenkhat chuan local media neih pawh an nei tawh lo a ni.

Taliban-te'n August thlaa thuneihna an chan hnu khan hmeichhiate dikna, media zalenna leh sorkar official-te zalenna pek let te chu an thutiam zingah hian an telh a ni. Mahse, acitivist, sorkar hnathawk ṭhinte leh journalist-te hian vau an tawk fo a, an dinhmun a derthawng hle a ni.