Krismas karah flight 4,000 chuang cancel

Khawvel ram hrang hrangah Covid-19 hri kai an pun chhoh zel avangin Krismas karah commercial airline-te chuan flight 4,000 chuang an cancel hman.

Krismas urlawk ni, Zirtawpni khan commercial flight 2,366 cancel a ni a, nimin Krismas ni khan flight 1,616 cancel niin, vawiin hian flight 365 chuang cancel a ni bawk. Hei bakah hian flight 9,000 chuang tikhawtlai a ni bawk a ni.

Flight cancel zinga a tam ber hi US ram chhunga mi niin, US hi Covid hri thar, Omicron variant kai hmuh chhah tamna ber a ni tawh bawk. US-ah hian hri kan an pung chak chho leh tawh hle a, ni khata hri kai thar hi 45% velin an pung chho leh tawh a, hri kai damdawi-ina dah ngai pawh a pung leh mek a ni. Hri kai hmuh chhuah thar zinga hmun lia ṭhena hmun thum hi Omicron variant kai an ni a, hmun ṭhenkhatah chuan 90% te an tling pha bawk.

England-ah Zirtawpni khan hri kai thar 1,22,186 an awm a, France-ah pawh Zirtawpni khan hri kai thar tam ber ni niin 94,000 chuang an awm a, thla sarih chhungin hri kai damdawi-ina enkawl lai an tam ber ni a ni bawk. Thawhṭanni hian khuahkhirhna siam dan tur ngaihtuahin special meeting an nei ang.