Russia-in hlawhtling takin Tsirkon hypersonic missile kapchhuak

Russia president Vladimir Putin chuan an ramin hlawhtling takin Tsirkon hypersonic missile an kapchhuak tih State Council leh Council on Science and Education meeting-ah a puang.

"Kan missile thar ber hi tuipui leh khawmualah pawh hman theih a ni, tiin hei hia ram tana hmasawnan chhinchhiah tlak tak a nih thu a sawi.

"Enchhinna hlawhtling leh sawiselbo khawpa neih a ni. Kan ram tana hun duhawm tak leh Russia venhimna kawnga hmalam panna duhawm tak a ni," tiin Putin chuan a sawi a ni.

Russia hotu hian hypersonic missile system siamtu developer, engineer leh designer te chungah lawmthu a sawi bawk.

Putin hian thla hmasa khan missile test an neih thuai tur thu sawiin, hei hian nakkum lamah chuan navy-te a thuamchak thei tawh dawn a ni, tiin a lo sawi tawh a ni.