UNSC-in Afghan sorkar leh Taliban-te inbiak rem duh

United Nations Security Council (UNSC) chuan Afghanistan sorkar leh Taliban firfiakte chu an inbiak rem theihna tur kawng a dapsak mek. Thuchhuah a siamah, UNSC chuan Afghanistan sorkar leh Taliban-ten inremna a awm theihna tura hma an lak tawh dante chu fakin, inbiakna an chhunzawm leh thuai theihna tur leh, tharum thawhna thlengte a ziaawm theihna turin mi tang inchhuah sak tur pawh chu kalpui thuai turin a ngen. 

Tun hnaia Afghanistan-a buaina a thleng fo leh, pawi sawi lo civil  mite nunna lak a ni fo chu a ngaimawh thu sawiin, Security Council chuan civil mi, hospital, damdawi lam mi leh chhawmdawl hna thawk ṭhinte beihna chu eng kawng maha pawm theih a ni lo a, pawikhawihtute chu hremna pek ngei an ni tur a ni, a ti.