Philippines-ah typhoon Rai tleh vanga thi 400 dawn awm tawh

Philippines rama Typhoon Rai tlehin chhiatna a thlena thi chu mi 389 an tling tawh a, chin hriat lohin mi 64 an la awm mek bawk tih sorkara disaster agency chuan a sawi.

National Disaster Risk Reduction and Management Council (NDRRMC) chuan December 16-a thlipui tlehin chhiatna a thlenah hian mi 1,146 in hliam an tuar tih a sawi bawk.

Thlipui tleh hian Philippines ram laili leh chhim lama bial 11-a mi maktaduai 4.2 chuangte a nghawng a ni. He thlipui hi kumina an rama thlpui tleh ṭum 15-na niin, in tam tak a lenchhiat avangin chawlh hmanga kal mi tam tak chu evacuation centre-ah an awm a ngaih phah a ni.

Agency chuan thlipui tleh vanga tlanchhia, mi 5,70,000 zinga 3,15,000-te chu evacuation center-ahte enkawl mek an la nih thu thlipui tleh hian chenna in 5,00,000 chuang a tichhia tih a sawi.

Thlipui tlehin agriculture leh infrastructure a tichhiate hlut zawng hi ṭ pesos tluklehdingawn 22 (USD makataduai 440) hu vel a tling.

Health Undersecretary Maria Rosario Vergeire chuan thlipui tlehna bial pangaah health facility leh damdawi-in 141 chuang a chhiat thu a sawi.

Covid-19 testing laboratory 62 chu thlipui tleh hian a tichhe tel a, power supply awm loh vangin vaccine dose tam tak a chhe tel bawk.

China chuan thlipui tuarte chhawmdawlna atan Phillipines sorkar hnenah eitur leh ṭanpuina sum a thawn tawh a ni.