Brazil-ah Covid-19 kaI MTD 1.4 awm tawh

US dawta Covid-19  tamna ber, Brazil-ah chuan hri kai hi mi 14,02,041 an awm tawh a, an zinga 59,594 in an thihpui tawh bawk a ni. Health Ministry-in a tarlan danin, Thawhlehni khan hri kai thar 33,846 leh hri vanga thi 1,280 an awm a ni. Hemi rual hian hri kai hmuh tawh zinga 7,90,040 chu an dam tawh thung. 

Sao Paulo chu state zinga hri leng tuar nasa ber a ni a, an state-ah hian hri kai hi 2,81,380 awmin mi 14,763 in an thihpui tawh a ni. Rio de Janeiro-ah hri kai 1,12,611 leh thihpui 10,080 an tawh bawk.