UK-ah hri kai thar nuai 1.3 dawn awm

United Kingdom-ah Thawhlehni khan Covid-19 hri kai thar 1,29,471 an awm a, hri kai zingah damdawi-ina dah luh ngai pawh a pung chho leh tawh hle.

Omicron variant darh thar leh avanign UK-ah hian hri kai an pung leh nasa hle a, hripui vanga thi pawh hi 1,50,000 dawn a tling tawh.

Hri kai an pun leh avangin Scotland, Wales leh Northern Ireland-te chuan khuahkhirhna thar te an siam leh a, punkhawmte an khap leh tawh a ni.

Hetih la hian Britain prime minister Boris Johnson chuan England-ah khuahkhirhna khauh zawk kalpui a la duh lo thung. A party, Conservative lamin khauhkhirhna dan thar siam turin nawr mah se, vaccine pek chhuah lamah chak zawk kalpui a tum rih thung. Englandh mipui, puitling chin chu kumin chhungin booster dose kim hman tumin ruahmanna an siam a ni.

Health secretary Sajid Javid pawhin Englandh-ah Kumthar hma chuan khuahkhirhna thar siam tum a ni lo tih a sawi a, mahse hri leng dihmun erawh ennawn reng a ni dawn tih a sawi. Hetih lai hian hospital lamah hri kai dah luh ngai an pung chak hle a, a bikin London khawpuiah chuan kar khat chhungin damdawi-ina dah ngai hi 53% velin an pung a ni.