WHO in vaccine la turin mipuite ngen

Khawvel ram hrang hrangah Covid-19 hri chi thar, Omicron variant a darh mek avangin World Health Organisation (WHO) chief scientist dr Soumya Swaminathan chuan mipuite chu Covid vaccine la vek turin a ngen.

Dr Soumya Swaminathan chuan Covid hri laka invenna atan vaccine chu a pawimawhin a ṭangkai thu hle tih pawh finfiah a nih thu a sawi. Ram tam takah Omicron vangin hri kai pung nasa hle mah se vaccine lak ṭhatnaah chuan hri kai zingah la na lutuk tur pawh a ziaawm phah a ni, a ti. Omicron hi vaccine la tawh leh hri kai tawh zingah pawh Omicron kai an tam a, mahse vaccine lak hian eng emaw chen a ven avangin la vek turin a ngen a ni. Omicron variant chungchang pawh zirchiang mek zel a nih thu a sawi bawk.