Palestinian President-in Israel a tlawh

Palestinian president Mahmoud Abbas chuan Thawhlehni khan Israel a tlawh a, Israel defence minister Benny Gantz nen meeting an nei.

President Abbas hian kum 2010 hnu lama Israel ram hruaitu a kawm lehna hmasa ber a ni. Abbas leh Benny Gantz-te hian Ganzt-a inah meeting hi an nei a, mahse an thu ngaihtuahte erawh puanzar a ni lo.

Israel prime minister thar, Naftali Bennett hi Palestinian independence dodaltu a ni a, Israel leh Palestinian ram a din theihna tura inbiakna neih a thlawp lo a ni. Hetih lai hian Palestinian Authority nena an inkar boruak siamṭhat a, Israel ram luah West Bank-a mipuite nunphung pawh chawikan a duh tih a sawi.

Israel hian Palestinian ram- West Bank, East Jerusalem leh Gaza Strip-te hi kum 1967-a lain a luah zui a, mahse kum 2005 khan Gaza aṭangin a inhnukdawk a ni. Kum hnih hnuah Hamas ho chuan Abbas-te pawl, Fatah lak aṭangin thuneihna chhuhsakin, Gaza Strip-ah ro an rel a, Palestinian sorkar pahnih a awm zui ta a ni.