Israel-ah Florona kai hmasa ber hmu

Israel ramah tun kar tir lam khan Florona hri kai hmasa ber hmuh chhuaha ni. He hri hi Covid variant thar a ni lo a, mahse Covid-19 hri leh influenza kai kawp sawina a ni.

Israel newspaper Yedioth Ahronoth in a tarlan danin, Florona kai hmasa ber hi nu, naupai lai a ni a, Covid vaccine a la lo bawk a ni.

Omicron variant darh mek kara Florona kai hmuh a nih leh hian mi tam tak a tichiai hman a, mahse health expert-te cuan chiaina tur a ni lo tih an sawi. Israel-ah hian tun hnaiah influenza kai hi an tam hle a, doctor-te chuan hemi chungchang hi an zirchiang mek tih an sawi.

Israel hian Covid-19 dose lina a pe chhuak ṭan tawh a, dose thumna an la aṭanga thla li tlingte hnenah pek an ni ang. Health Ministry-a director general Nachman Ash chuan tar enkawlna hmuna awmte hnenah vaccine pek tur pawh pawm a nih thu a sawi bawk. Israel ramah hian Covid-19 hri kai hi an pung leh mek a ni.