UAE-in vaccine la lote zin chhuah khap dawn

United Arab Emirates (UAE) chuan khawvel ram hrang hrangah Covid-19 hri kai an pun chhoh leh avangin an ram mi, Covid vaccine la lote zin chhuah khapna thupek a siam a, January 10 aṭangin hman ṭan a ni ang.

He khapna hian taksa lam harsatna avanga vaccine la lo, damdawi lama inenkawltura zinchhuah ngaite bakah ṭanpuina hna thawk tura zinchhuah ngaite erawh a huam lo thung.

UAE hian Covid-19 vaccine full dose la tawhte chu booster dose a pe leh dawn a ni.

Inrinni khan an ramah hri kai thar 3,556 awmi, hri kai hmuh chhuah tawh hi 7,64,493 an tling tawh a, an zinga 2,165 in a thihpui tawh bawk.