France-in thlai leh thei ṭhenkhat plastic-a tuam khap

France sorkar chuan kar liam ta Inrinnia dan thar a tihchhuahah, thlai leh thei ṭhenkhat chu plastic hmanga tuam a khap a, a tuamna atan recyclable material hmang turin a ti.

Plastic hmanga tuam khap tura a tih bik hi thlai leh thei chi 30 vel niin, heng zingah hian leeks, carrot, tomato, apple leh pear-te pawh an tel. Hemi rual hian thei ṭhenkhat, berry leh peach-te erawh chu plastic-a tuam phal a la ni thung a, mahse hengte pawh hi zawi zawia tihtawp chhoh zel a tum.

Magazine leh leh­khabu dang, ram danga thawnchhuah tur pawh plastic-a tuam an ni tawh dawn lo a, fast-food restaurant-te pawh naupangte hnena plastic toys an pek phalsak an ni tawh lo bawk.

Sorkar chuan he dan thar hmang hian kum khat chhungin plastic item tluklehdingawn khat an tihbo hman theih an beisei tih a sawi.

Hetih lai hian France rama packaging industry-­te chuan dan thar siam hi an sawisel a, sorkar chuan dan siam hma hian a berawn lo tih an sawi. Company te zawk, ram danga an thei thawnchhuah, a bik takin UK-a apple thawn chhuak ṭhinte chu a nghawng na hle dawn tih an sawi a ni.