UN hotu in Sudan-a pawikhawihna thlentute a dem

UN Secretary-General Antonio Guterres chuan Thawhṭanni khan Sudan rama lungawi lohna lantirtute chunga pawikhawihna thlentute chu a dem thu sawiin, Sudanese security forces te chu venhimna ṭha zawk kengkawh tur leh mimal zalennate leh ram mipuite chu an ṭawngchhuah ve phalsak turin Guterres thupuangtu Stephane Dujarric chuan a sawi.

Guterres hian Prime Minister Abdalla Hamdok a bang tih a hriat hnuah, Sudan ram buainaa politic lama inhriat thiam lohna thleng chu pawi a tih thu a thupuangtu hian a sawi bawk a ni.

"Secretary-general hian palai te chu inhriat thiamna ṭha zawk te, remna leh buaina chinfel dan kawng daihrei zawk ruahman turin stakeholder-te chu a ngen takmeuh a ni. Sudan hian mipui rorelna neih duhin hun harsa tak an tawk mek a. UN chuan ṭanpui turin a inpeih reng a ni" tiin thuchhuahah hian an tarlang a ni.