PM official residence-ah Imran Khan insawn dawn

Pakistan Prime Minister thar tur, Pakistan Tehreek-e-Insaf (PTI) hotu Imran Khan-a chu August 11-ah prime minister atan lakluh ni dawn chauh mah se, tuna a chenna chu a him tawk lo anga security agency-ten an ngaih avangin PM official residence-ah a insawn dawn.

July 26-a inthlanpui neiha hnehna an chan ṭuma thu a sawiah, Imran Khan chuan PM House chu chenna atan hman a tum lo tih sawi a ni. Mahse police leh security hotuten Islamabad-a a private in, Banigala ami chu tlawhin security chungchangte chu Imran Khan leh PTI hotute an sawipui a ni. Imran Khan-a in chu open area a nih avangin security dah chungchangah harsatna a awm a, PM official residence-a hman turin a tlak lohah an ngai a ni. Hei vang hian insawn turin an ngen ta a ni.

Islamabad-a Minsiters' Enclave ami chu PM official residence atan puangin, Imran Khan hi a insawn dawn a ni. Khan chuan Ministers' Enclave-a in awm zinga caterogy hniam ber chu a chenna tur atan hian buatsaih tur hian a ti a ni.