Hamas hruaitu tlanchhiate Gaza-ah kir

Gaza Strip-a rorellai, Hamas hruaitu ṭhenkhat, ram pawna hima zawnga tlanchhiate chu Egypt hmalaknaa Israel nena inkahhai puan rawt chungchang high level discussion neiha tel turin Gaza Strip-ah an kir leh.

Hamas website Safa chuan nimin khan Hamas pawl hnuaia thuneitu sang, political bureau member-te chu Gaza-ah an kim thei vek niin a sawi. Gaza-a kir zingah hian Hamas military wing dintu, Israel wanted list ami Saleh Arouri pawh a tel.

Israel Prime Minister Benjamin Netanyahu pawhin South America zin a tum chu ṭhulhin, Gaza tualchhung dinhmun chungchang ngaihtuah turin Pathianni hian special cabinet meeting a ko.