Congo President-in Africa ramah Covid-19 vaccine siamchhuak ve turin ngen

Republic of the Congo President Denis Sassou Nguesso chuan Thawhlehni khan khawvela ramdangte chu Africa ramah tualchhunga Covid-19 vaccine tam zawk siamchhuah a nih theihnan hmalakpui turin a sawm.

"Mitin kan ṭhat tlanna turin ramdangte hian Africa ramte thawhpui chungin, vaccine lak luh mai ni loin, kan khawmualah ngei vaccine siamchhuahna hmun awm se kan duh hle a ni," tiin Congo president chuan an ramchhunga palaite nena an inkawmnaah hian a sawi a ni.

"Tunhnaia Omicron variant hmuhchhuah thar leh avang hian hri leng tawp hun tur sawi lawk theih a ni lo a, ram ṭhenkhatte chuan an inrina khar lailawk hialte pawh an tum phah a ni" a ti.

Nikum December thla tawp lam khan, Congo President hi negative test result nei mahse, hri kai ṭhenkhatte nen an lo inhnim hnaih avangin inkhunghrang tura tih a ni ta tho a ni.