EU dan thar siamah tattoo artist-te lungawi lo

European Union-a tattoo parlour hrang hrangte chu EU-in ink hman lar ṭhenkhat hman zui phal loa khapna a siam avangin an lungawi lo hle.

He dan thar siamah hian EU chuan ink ṭhenkhat chu taksa tana hlauhawm, cancer leh vun ṭhat lohna thlen thei niin hman zui a khap a ni. He dan hi kum 2020, December thla daih tawha siam ni mah se, ink hman khapte thlakna tur ngaihtuahna atan kum khat hun pek an ni a, tunah he dan hi hman ṭan a ni ta a ni.

European commission chuan ink siamtu leh tattoo artist-te chuan kum khat inbuatsaihna an nei tih sawiin, pigment pahnih bikah pawh a dang thlakna zawnna turin hun pek belh an ni bawk a ni, a ti.

European Chemicals Agency chuan EU-a mipui maktaduai 450 zingah 12% vel, mi maktaduai 54 vel chuan tattoo hi an nei niin a sawi.