Beijing-a hri leng thar leh vangin Flight 1,200 chuang cancel

China khawpui, Beijing-ah nimin khan coronavirus kai mi 31 hmuh belh leh an ni. Hri kai hmuh chhuah an pun chhoh leh avangin nimin khan khawpui chhunga school te khar a nih bakah, airport chuan flight 1,200 chuang a cancel leh nghal bawk. 

Official-te chuan China ramah hri leng thawh hnihna a thlen leh a hlauhthawnawm thu sawiin, Beijing-a chengte pawh khawpui chhuahsan lo turin an ti a ni. 

Beijing-a hri kai hmuh chhuah tharte hi Xinfadi whole­sale food market aṭanga an kai nia hriat a ni a, hei vang hian he bazar nena inkaihhnawihna nei mi sang tel chu test an ni tawh a, a chhehvela chenna hmunte pawh kharkhip nghal an ni bawk. 

Xinfadi market hi Beijing khawpui chhunga thei leh thlai mamawh 70% supply tu a ni a, May 30 hnu aṭang khan he hmun tlawhtu hi mi nuai hnih chuang an awm tawh a ni. 

Ni ruk liam ta chhungin Beijing-ah hian hri ki mi 137 hmuh chhuah an ni a, a asymptomatic paruk hmuh tel an ni bawk.