Russia helicopter tlaah mi 18 thi

Russia helicopter chu kar kalta Inrinni khan Siberia hmar thlang lamah a tla a, helicopter-a chuang mi 18 an thi.

Russia emergencies ministry chuan an ram huna chawmha dar 10.20 velah MI-8 hi Krasnoyarsk Territory-a Igarka khua aṭanga km 180-a hlaah a thlawhchhuah hnu reiloteah a tla niin a sawi. Helicopter-a chuang, passenger 15 leh thawktu pathumte chu an thi vek a ni. Helicopter hian oil station-a thawktute a phur nia sawi a ni, a chetsual dan hi chhui chian mek a ni.

Helicopter tla hi kum 2010 a siam niin, pilot hian experience darkar 6,000 vel zet a nei niin a operator UTair airlines chuan a tarlang. UTair hi Russia rama airlines lian ber zinga mi niin, Siberian oil fields hian helicopter eng emaw zat a service tir a ni.