WHO-in Covid-19 guideline siam ṭha dawn
World Health Organisation (WHO) chuan clinical trial result-a steroid tlanglawn leh mantlawm tak pakhat chu Covid-19 kai, dam lo na tak tawhte enkawlna atan a ṭha tih hriat a nih tak avangin hri kai enkawl dan chungchangah guideline siam ṭhat a tum tih a sawi.
Thawhlehnia trial result tihchhuah aṭanga a landanin, kum 1960 chho aṭanga arthritis damdawi atana lo hman tawh, dexamethasone hmanga Covid-19 kai, damdawiina awm zinga dinhmun ṭha tawh lo tak tak enkawl zinga hmun thuma ṭhena hmun khat chu an nunna chhanhim sak a ni.
Hri kai enkawlna atana dexamethasone hman chungchang zirchianna hi result hmasa chauh tihchhuah la ni mah se, researcher-te chuan he damdawi hi damlo na zualte enkawlna atan hman an rawt nghal a ni.
A bikin hri kai enkawl mek, ventilator hman ngai tawhte zingah he damdawi hmanga enkawl zinga hri vanga thi zat hi hmun thuma ṭhena hmun khatin a tlahniam a; oxygen chauh pek ngaiah chuan hmun ngaa ṭhena hmun khatin thihpui zat hi an tlahniam bawk. Hemi rual hian he damdawi hi dam lo na zualah chauh hman a ni thung.