Trump-a'n police kalphung siamṭhatna tur thupek siam

US president Donald Trump chuan Thawhlehni khan an ram police kalphung siam danglamna turin thupek a siam. 

He order-ah hian police officer-in a nunna atana hlauhthawn thil a nih loh chuan a mi mante thaw ṭha thei loa siam chu phal loh a nih thu a inziak. Hei bakah hian an rama police department-te hamṭhatna a tel bawk a, police officer-te sawiselna tur federal database pawh siam tum a ni. 

Trump chuan tunhnaia an rama mi hang thita George Flyod leh kumin kum tir lama mi hang thi ta Antwon Rose, Botham Jean leh Ahmaud Arbery chhungte chu hmuh a tum thu a sawi. "Kan ram police-te chu buaina lak ata min venghimtu an ni a, kan police department tichhe thei zawnga chetna chu ka dodal tlat a ni," tiin Trump chuan order a sign chungchangah an ram police-te thlavang hauhna a sawi. 

Thla hlui khan mi hang George Flyod chu police officer pakhatin thaw ṭha thei loa a khupa a do hnuah a thi a, he thil thleng hi chi inthliarhranna  lam hawi nia sawiin mi tam tak lungawi loin, duh lohna lantirin nawrh an huaihawt a ni a, US mai ni lo ram dangah pawh nawrh hi huaihawt a ni bawk.