South Sudan sorkar leh hel pawlin inremna ziak

South Sudan sorkar leh sorkar laka hel pawl lian ber chuan inremna thuthlung an ziak.

President Salva Kirr leh helpawl hotu Riek Machar-te chuan an ṭhenawm, Sudan ramah inremna hi an ziak a ni.

Inremna an siam hmang hian sorkar leh hel pawlte hian thuneihna an insem dawn a, Machar chu vice president panga zinga pakhatah dah a ni ang.

Sorkar leh Machar-a kaihhruai hel pawl hi a hmain inremna siam tumin ṭum eng emaw zat an lo inbe tawh a, mahse an hlawhtling thei lo a ni. Kirr chuan tuna inremna an siam thei ta chu lawmawm a tih thu sawiin, a hmaa inbiakna an lo neih tawh angin Machar-a pawlte lam pawhin an nawr lui tawh lo a, a hlawhtlin chhoh zel a beisei thu a sawi.

South Sudan hi kum 2011 khan Sudan aṭangin a indang a ni. Kum 2013 khan President Kirr chuan a deputy, Machar chu amah paihthlak tuma phiarruah a puh a, mahse a puhna hi Machar chuan a pha thung. Hei vang hian kum 2013 aṭang khan Kirr leh Machar-a thlawptu inkarah buaina chhuakin, tualchhung indona a thleng zui a ni.