Israel-in Gaza bulah tuipuia indaidanna siam

Israel Defence Ministry chuan Pathianni khan Gaza Strip tuipui nena indaidanna a siam thar thlalak a tichhuak.

Tuipui lama indaidanna tur a siam hi meter 200-a thui leh mter 6- sang a ni. Ministry thuchhuah he daidanna siam hian tuipui lam aṭanga Palestinian firfiakten Israel rama luh rum an tum ṭhin chu a dang thei dawn a ni, a ti.

Israel Border and Seam Planning Administration leh Defence Ministry-a Engineering and Construction Department chuan thlahnih kalta khan Gaza ramri bul, Zikkim beach-ah daidanna tur siam hna hi an thawk ṭan a ni. Israel hian kum 2014-a Gaza-a beihpui a thlak ṭum khan Palestinian firfiakte tuipui aṭangin Israel-ah luhruk an tum tih an hmuh avangin tuipui lama daidanna siam hi a tum ta a ni.

Defence Minister Avigdor Lieberman chuan khawmual leh tuipuia Gaza ramri bula daidanna siam hna thawh chu chak taka kalpui mek a nih tih sawiin, Gaza-a firfiakte an beihletna kawngah hma an sawn zel tih a sawi. Tuipuia daidanna siam hi kumin chhunga zawhfel tum a nih thu a sawi bawk.