Philadelphia inkangah mi 13 thi

Philadelphia-a inkangah Nilaini khan mi 13 an thi a, an zingah hian naupang pathum pawh telin, hun rei tak hnua United States-a chenna in kang rapthlak berte zinga mi a ni.

Official te sawidanin, US khawchhak lama khawpui lar tak Fairmount-a museum district-a vantlang hmuna kangmei chhuakah hian mi pahnih chu damdawi-ina dahluh an nih thu leh mi pariat chuan kangmei hi an tlanchhiatsan hman tih an sawi.

Philadelphia Fire Department deputy commissioner Craig Murphy chuan kum 35 chhunga a hnathawh tawh chinah kangmei chhuak a hmuh tawhah chuan ala rapthlak ber tih a sawi. Murphy chuan kangmei chhuah chhan tak hi hriat la ni lo mahse an department chuan theihtawp chhuahin an chhuichiang mek tih a sawi.

Murphy hian building-ah hian smoke detector pali a awm mahse engmah hman tlak a awm lo a ni, a ti.

Kangmei chhuahna building hi Philadelphia-a public housing authority (PHA) ta a ni a, nikum May thlaa detector endik hna an kalpui kha chuan ṭha takin hna a la thawk tih an sawi a ni.

"Rin phak baka nunna chan an tam tih kan hriat hian min tithlabar takzet a ni" tiin CEO Kelvin Jeremiah chuan thuchhuah a siam

December 2017 khan, New York City khawpuia Bronx apartment building-a kangmei chhuakah khan mi 13 an thi a, hei hi kum 25 chhunga khawpuia kangmei chhuak rapthlak ber a ni.