Brazil-in Venezuela nena a ramri a khar

Brazil chuan Venezuela ram tualchhung boruak ṭha lo avanga an rama luh tumte venna turin ramri a khar.

Judge Helder Barreto chuan an ram hmarlama ramri khar tur thupek hi a tichhuak a ni. Venezuela tualchhung boruak ṭha lo leh sum dinhmun a tlakhniam nasat avangin mi tam tak chu ramdangah an tlanchhe tawh a, Brazil-ah pawh hian ramri kanin nitin mi 800 vel an lut nia sawi a ni.

Venezuela mite tan bik ramri hi khar ni a, Brazil mi leh Venezuela mi ni lo hnam dang tan hawn chhunzawm a ni thung.

Tunhnaia Venezuela President Nicolas Maduro thah tuma beih a nihnaah sorkar chuan eptu lamte inhnamhawihah a puh a, hei vang hian an ramchhung boruak pawh a ṭha lo zual hle.

Venezuela mi, Brazil rama tlanlut zinga a tam zawk hi khawpui hrang hranga kawtthlerahte an khawsa a ni. Venezuela ramri bul, Roraima state chuan ramri kana lut an tam vang hian hun eng emaw chen kalta aṭang khan ramri khar tur hian thuneitute an lo ngen awh a ni. Pem lut an tam vang hian public service thlenga a nghawng bakah, pawikhawihna thleng pawh a hluar phah niin an sawi.