Saudia-in Canada flight titawp

Saudi Arabia sorkarin Canada ram palai hnawtchhuak a, sumdawnna lama an inzawmna te a tihtawp hnuah Saudi Arabia national carrier Saudia chuan Toronto-a a flight a titawp ve nghal.

Saudi Arabia-in human leh women rights activist a mante chhuah nghal tura a phut thu Canada in thuchhuah siama a sawi avangin Saudia Arabia hi a lungawi lo hle a, Canada chu an ramchhung inrelbawlnaa inrawlhah puhin an inzawmna ṭhenkhat a tihtawp nghal a ni. Canada rama Saudi palai chu a koh haw bakah, Thawhṭanni khan an rama Canada palai chu darkar 24 chhunga chhuak turin a ti bawk.