Covid-19 kai pung zel karah thihpui tlahniam : WHO

Khawvel huapah hri inkaichhawn awl tak Omicron vangin hri kai thar chu karliamta aiin a kar hmasa leh khan 71% in pung mahse, thihpui erawh 10% in an tlahniam thung tih World Health Organization (WHO) chuan Ningani khan a sawi.

WHO chuan karliamta December 27, 2021 - January 2, 2022 inkar chhung khan hri kai thar mi maktaduai 9.5 vel an awm a, thihpui 41,000 an awm thung a ni, an ti.

Region zawng zawngah hri kai thar hi an pung vek a, an zingah hian America (100%) chu sang berin, Asia chhim lam (78%) leh Europe (65%) te'n an dawt a ni.

Africa chauh hi karliamta chhunga hri vanga thi sanna awmchhun niin, khawvela region dang zawngah chuan a tlahniam thung a ni.