Malaysia PM hlui thubuai siamsak

Malaysia Prime Minister hlui Najib Razak chu dollar maktaduai tel tihchingpen kaihhnawihah dik lo taka sum lalut leh ram pawn lama account-a chheprelha puhna thubuai siamsak a ni.

PM hlui Raza hi state fund 1MDB aṭanga a personal account-ah dollar maktaduai 10 pawtpengah puh a ni a, July thla khan man ni tawhin a thuneihna dik lo taka hmanga puh a ni.

1MDB hi kum 2009-ah Najib-a president laia din a ni a, hei hi an ram khawpui Kuala Lumpur chu financial hub-a siamna tura ruahman niin, investment kaltlanga an ram economy siamṭhatna tura tih a ni. Mahse 1MDB atana sum invest zinga tam tak chu Najib hian a mimal bank account-ah a lo chhung lut a ni. Kum 2015 kumtir lam khan 1MDB hian bank leh bondholder-te hnen aṭanga sum a puk, dollar tluklehdingawn 11 zinga ṭhenkhat chu a rulh theih tak loh vangin thil dik lo awm hi haichhuah a ni ta a ni. Najih hian state fund aṭang hian dollar maktaduai 700 vel zet a lo pawtpeng nia sawi a ni a, dollar tluklehdingawn tel chu a chin hriat lohin an la awm bawk.