Greece-in dan loa in sakte ṭhiat dawn

Greece sorkar chuan ramkang nasa tak an tawrh hnuah an ram chhunga dan loa in sak sang tel awm chu a ṭhiahsak dawn.

July thlaa Greece rama ramkang vang hian mi 91 an thi a, ramkang vanga tlanchhuah tum tam tak dan loa in sak vangin mi tam tak a hunah an tlanchhuak thei lo a ni. Hei vang hian Prime Minister Alexis Tsipras chuan licence nei loa in sakte chu tichhiat sak vek an ni dawn tih a sawi. PM chuan dan loa in sak te dapchhuah a, ṭhiahsak vek a tiam. A bul ṭanna atan Attic biala building 3,200 te chu ṭhiah nghal an ni dawn tih a sawi bawk. Heng in te hi phalna nei loa sak an ni. Thuneitute chuan dan loa in sakte chuan kawtthlerte a tichepin harsatna a thlen niin an sawi.