US-in vaccine lakna tamzawk hawng nawn leh

United States rama Covid-19 vaccine lakna hmun tamzawkte chu Omicron variant darh mek vangin hawn nawn leh an ni a, thuneitute chuan mipui tamzawkte'n vaccine an lak a, hri leng dona kawnga invenna ṭha tak an neih theihna tura ruahman an nih thu an sawi.

Massachusetts, New Jersey, New York, Oregon leh Rhode Island te chuan nikhat chhunga mi 10,000 chuangin vaccine an lak theihnan vaccine lakna an hawng tawh emaw hawn tumin ruahmanna an siam mek a ni.

Official te chuan booster tamzawk semchhuak tur leh naupang vaccine la thei kum bithliah thleng tawhte'n vaccine an lak theihnan hmalakna an kalpui mek tih an sawi. State tamzawkte chuan nikum nipui laia vaccine semchhuah a tlakhniam hnu khan hmun tlem zawk leh bithliah neiin hmun thlan bikah chauh semchhuah an tum tih an sawi.

America mi kum nga chin chunglam vaccine la thei chin zinga 66.3% te chuan dose kimin an la tawh a, puitling dose kima la tawh zinga 38% velte chuan booster an la tawh bawk tih U.S. Centers for Disease Control and Prevention (CDC) chuan a tarlang.