Brazil in tualthah tam lamah an record ding lai khum

Brazil chuan kum khat chhunga tualthahna tam ber ram record an siam chu an khum a, kum 2017 chhung khan mi 63,880 thah an nih thu report chuan a tarlang.

National crime statistics siamtu Brazilian Forum of Public Security (BFPS) report in a tarlan dan chuan tualthahna mai bakah hian pawngsualna pawh 8% in a pun thu tarlan a ni a, nikum chhung khan mi 60,018 pawngsual an nih thu a tarlang bawk.

BFPS report-a a lan dan chuan tualthahna hi 2016 aiin 3% in a tam zawk a, 2017 chhunga thah zingah hian hmeichhia 4,539 an tel thu tarlang bawkin heihi a kum hmasa zawk aiin 6.1% in a pung bawk a ni. Brazil hian hun eng emaw chen kalta aṭang khan pawikhawihna hrang hrangah hmahruaitu dinhmun a hauh nual a ni.