Car-in UK Parliament hungna su

Nimin zing khan London-a Westminter-a United Kingdom (UK) Parliament security barrier chu car-in a su. Car hian Parliament hungna a sut hma hian ke-a kalna siamah tlanin mi a pawng sut a, mi eng emaw zatin hliam an tuar bawk a ni.

Scotland Yard chuan car khalhtu hi man nghal a ni tih an sawi.

He thil thlenna hmun hi police-te chuan thleng nghalin, mipui tlawh theih lohin an khar nghal a ni. Parliament bula awm, Westminter Underground station pawh khar a ni nghal a ni bawk. Parliament hi nipui chawlh an neih lai a nih vangin he thil thlen lai hian building-ah hian member te hi an awm lo.

Kum 2017 March thla khan kum 52 mi, Khalid Masood chuan Parliament bul, Westminster Bridge-ah mi pali thatin, police officer pahat a vithlum tawh bawk. Police ten pawikhawihtu hi an kaphlum ve nghal a ni.