Myanmar-in November 8-ah inthlanpui nei dawn

Maynmar election commission chuan an ram inthlanpui chu Novem­ber 8-ah neih a ni dawn tih a puang. 

Election commision chairman, Hal Thein chuan inthlan neih hun tur hi Nilaini khan a puang a ni. November 8 hian national, state leh regional seat 1,171 atan inthlan hi neih a ni ang. Kum 2015 inthlanpuiah khan Aung San Suu Kyi kaihhruai  National League for Democracy (NLD) party chu hneh taka thlan tlin niin, hun rei tak sipai rorelna hnuaia an awmna chu titawpin, civil sorkar a ding a ni. Mahse an ram danpui hnuaiah sipaite hian chanvo pawimawh tak an la chelh a, Parliament-ah seat 25% chu sipai tana dah a nih bakah, sorkara ministry pawimawhte an la chang zui bawk a ni. 

Kumin inthlanpui neih tur hi NLD party fiahna tur pawimawh tak a ni dawn a,party hriatut echuan kum 2015 ang bawka hneh taka an tlin leh ngei an beisei thu an sawi. 

Myanmar hmar lam, Kachin state-a Hpakant hmuna jade (lung hring) khur-a lei tawlh vanga thi chu mi 100 an chuang tawh a ni. Miner-te hian jade an zawn laiin ruah nasa tak avangin khur hi a chim a, lei a tawlh zui bawk niin fire department chuan an sawi. Chhiatna thlenna hmunah hian ruang 100 chuang a la chhuak tawh a, mi dang eng emaw zat chu lei hian a la chhilh bawk.