March thlaah Omicron vaccine peih hman dawn

Pfizer siam Omicron variant hri leng tan bika Covid-19 vaccine siam chu March thla hian an peih hman dawn tih company head chuan Thawhṭanni khan a sawi.

Pfizer chief executive officer Albert Bourla chuan vaccine la tawh zingah Omicron variant kai an pun chak em avangin sorkar-te ngenna angin dose ṭhahnem tak an siamchhuak tawh tih a sawi.

Bourla chuan tuna vaccine dose hniha kan lak ṭhin bakah booster kan lak hian Omicron vanga natna khirhkhan tak kan tawh chu a tlahniam thei tih a sawi. Mahse, Omicron variant tan bika vaccine siam hian breakthrough infection lakah min veng thei dawn a ni, a ti.

Moderna CEO Stephane Bancel pawhin an company chuan Omciron laka min veng thei tur booster dose an siam mek tih a sawi. "Khawvel huapa public health lama hotute nen kum 2022 favangah booster pekchhuah dan tur kalhmang ṭhatak kan ngaihtuah mek a ni" tiin Bancel chuan a sawi.