Boris Johnson-a'n Hong Kong mite tan British khua leh tui nih theihna hawng

China-in Hong Kong security law siam thar a hman ṭan tak avangin, Britain prime minister Boris Johnson chuan Hong Kong mite tan British khua leh tui nih theihna tur kawng a hawnsak ve nghal. 

Johnson chuan, "Hong Kong hi kum 1997-a China kuta hlan a nih khan, 'one country, two systems' hmanna turin kan ram leh China remtihnain Sino-British Joint Declaration siam a ni a, hming pawh ziah hnan a ni," a ti.  Mahse China-in Hong Kong tana security law a siam thar tak avangin, Hong Kong mi UK-a pemte tana dan hman mek chu thlak danglam a ni ve nghal a ni, a ti. 

Hong Kong mi 3,50,000 te chuan British National Overseas (BNO) passport an nei mek a, hemi kaltlang hian British khua leh tui nih theihna leh British-a hna an thawh theihna a awm tih Boris Johnson chuan a sawi. Hong Kong national security law hi Hong Kong-a cheng mipui zalen­na rahbehna tur a nih thu Johnson chuan a sawi a, Hong Kong-in mahnia inrelbawlna tura thuneihna a neih chu zawi muangin he dan thar hmang hian a laksak dawn a ni, tiin Johnson chuan a sawi bawk.