Mexico drug rehab centre beihnaah mi 24 thi

Mexico rama Irapuato khuaa ruihhlo ngaite enkawlna hmun chu Nilaini khan tu tih hriat loh silai kengten beiin, mi 24 an kaphlum. Police-te chuan thla khat chhunga Irapuato khuaa inbeihna a thlen ṭum hnihna a nih thu sawiin, rehab centre beihnaah mi pasarihin hliam an tuar bawk tih an sawi. Irapuato hi Guajanuato state-a awm a ni a, he state hi Mexico rama tharum thawhna thlen hluarna zingah a tel a ni. Ruihhlo tawlhru ṭhin pawl  hrang hrangte chu thuneitu nih inchuhin an inbei fo  a ni.