Kabul-a tuition centre beihnaah mi 48 thin

Afghanistan khawpui, Kabul-ah Nilaini khan education centre-ah thihchilh bomb a puak a, mi 48 an thi a, midang 67 in hliam an tuar.

Bomb tihpuahna hi tution centre a ni a, class an neih laiin thihchilh bomb paitu hi centre-ah hian lutin a bomb pai hi a tipuak a ni. Thi zinga a tam zawk hi university entrance exam neih tur atana inbuatsaiha tuition la te an ni.

Nilaini vek khan Afgha-nistan hmarlama Baghlan province-ah firfiakten military checkpoint beiin police pakua leh sipai 35 an that bawk. Taliban thupuangtu Zabihullah Mujahid chuan checkpoint beitute hi an nih thu a sawi.

Kabul-a tuition centre awmna hi Shia Muslim tamna bial a ni a, eng pawl mahin centre beitu an nih thu hi an la chhal lo a, mahse offiial-te chaun Islamic State (IS) firfiakte tih niin an puh thung. IS hian a hma pawhin Shia Muslim-te hi an bitum fo a ni.